On lunedi de matina bon'ora
San Giusèpp l'andava a pè
la Madonna l'andava adrée:

«Andèmm andèmm, Vergin Maria
andèmm andèmm in Betheléemm».

Quand fu stada innanzi on tocco
la Madonna la gh'ha set:

«Andèmm andèmm, Vergin Maria
'na quaj fontana la trovarèmm».

Quand fu stada innanzi on tocco
la fontana l'hann trovada.

«Bevíi bevíi, Vergin Maria
bevíi bevíi fin quand vorii»

Quand fu stada innanzi on tocco
la Madonna la gh'ha famm:

«Andèmm andèmm, Vergin Maria
'n tocchèl de pan al trovarèmm».

Quand fu stada innanzi on tocco
on tocc de pan sí l'hann trovàa.

«Mangíi mangíi, Vergin Maria
mangíi, mangíi fin quand vorríi».

Quand fu stada innanzi on tocco
la Madòna la gh'ha sògn:

«Andèmm andèmm, Vergin Maria
'na quji gabanna la trovarèmm».

Quand fu stada innanzi on tocco
la gabanna l'hann trovada.

«Dormíi dormíi, Vergin Maria
dormíi dormíi fin quamd voríi».
Quand fu stàa la mezzanotte
l'è nassùu on bel bambin
bianc e ross e rizzolín.

E cito cito, fa la nanna
fa la nanna in la gabanna;

«per adèss in Bethèémm,
a cà nostra poeu andarèmm».